Skyndihjálp · Fræðsla · Ráðgjöf
Námskeið, fyrirlestrar, námsefnisgerð og ráðgjöf fyrir einstaklinga, aðstandendur, starfsfólk, fyrirtæki og stofnanir, byggð á áralangri reynslu úr bráðaþjónustu, björgunarstarfi, þroskaþjálfun og ráðgjafarstarfi. Hagnýt fræðsla sem nýtist strax, hvort sem er á vinnustaðnum, í skólanum eða heima.
Námskeið og þjónusta
Fyrir einstaklinga, aðstandendur, skóla, fyrirtæki og stofnanir. Við komum til ykkar og sníðum efnið að hópnum. Hafið samband til að fá tilboð og finna tíma.
Hvernig styðja má fólk sem hefur orðið fyrir áfalli eða er í miklu uppnámi. Okkur finnst þetta eitt mikilvægasta námskeiðið sem við bjóðum, því öll getum við lent í aðstæðum þar sem fyrstu viðbrögð okkar skipta sköpum fyrir líðan annarra.
Um hegðun, þroska og líðan, um sjúkraflutninga og bráðaþjónustu og um rétt viðbrögð þegar eitthvað kemur upp á, fyrir skóla, foreldrahópa, vinnustaði og heilbrigðisstarfsfólk.
Fyrstu viðbrögð við slysum og veikindum, endurlífgun og notkun hjartastuðtækis, fyrir almenning, vinnustaði og heilbrigðisstarfsfólk.
Námskeið, námsefni, verkefni og æfingar sniðin að þörfum hvers hóps, til dæmis endurmenntun heilbrigðisstarfsmanna.
Ráðgjöf fyrir einstaklinga, aðstandendur, skóla og vinnustaði, meðal annars hegðunarráðgjöf og ráðgjöf við uppsetningu fræðslu og þjálfunar.
Og ýmis önnur málefni sem við erum beðin um. Hafið samband og við finnum efni sem hentar ykkar hópi.
Okkar sýn
Við vitum af eigin reynslu hversu djúp áhrif áföll geta haft og hversu miklu máli það skiptir að vera mætt af skilningi, virðingu og öryggi. Sú reynsla mótar alla okkar fræðslu. Við leggjum áherslu á tengsla- og áfallamiðaða nálgun og teljum að allir eigi að kunna að veita sálræna skyndihjálp.
Rafrænt efni
Væntanlegt
Upptekin námskeið sem þú horfir á þegar þér hentar, heima eða í vinnunni. Þú kaupir aðgang og hann er opinn í ákveðinn tíma eftir skráningu.
Viltu fá að vita þegar fyrsta námskeiðið opnar? Sendu okkur línu á [email protected].
Þrettán jólasveinar, hver með sína vísu og sinn dag. Barnið litar sveininn kvöldið áður en hann kemur og skrifar svo hvað hann gaf í skóinn. 17 síður á PDF, prentast á heimilisprentara.
1.500 kr.
Spurningar um bókina eða leikskólaleyfi: [email protected]
Ráðgjöf og fræðsla 4u var stofnað af hjónunum Bjarna Rúnari Rafnssyni og Katrínu Ruth Þorgeirsdóttur. Fyrirtækið sameinar reynslu úr slökkviliði, sjúkraflutningum og björgunarstarfi við ráðgjöf og fræðslu þroskaþjálfa.
Við byggjum upp teymi reyndra leiðbeinenda sem deila sýn okkar á hagnýta fræðslu sem nýtist fólki í raun, hvort sem það er í skólanum, á vinnustaðnum eða heima.
Eigandi og stofnandi
Slökkviliðsmaður, bráðatæknir, leiðbeinandi og fyrirlesari
Ég er menntaður slökkviliðsmaður og bráðatæknir og hef starfað á því sviði í að verða 30 ár.
Ég er leiðbeinandi í sérhæfðri endurlífgun (ALS og ILS), kenni fyrir Sjúkraflutningaskólann og hef til margra ára verið leiðbeinandi í skyndihjálp, fyrstu hjálp og sálrænni skyndihjálp.
Ég hef víðtæka reynslu úr björgunargeiranum af öllu sem tengist fyrstu hjálp, leit og björgun, rústabjörgun, sjóbjörgun og aðgerðastjórn, svo eitthvað sé nefnt, og mikla reynslu af sjúkragæslu á viðburðum, stórum sem smáum.
Ég hef sett upp námskeið og unnið námsefni, kennsluefni, verkefni og æfingar eftir þörfum hópa, til dæmis í endurmenntun heilbrigðisstarfsmanna. Í allri kennslu legg ég ríka áherslu á tengsla- og áfallamiðaða nálgun og sálræna skyndihjálp.
Eigandi og stofnandi
Ráðgjafarþroskaþjálfi, fyrirlesari og leiðbeinandi
Ég er menntaður þroskaþjálfi og hef starfað sem slíkur í mörg ár. Ég hef mikla reynslu af ráðgjöf til starfsfólks leik- og grunnskóla, nemenda og aðstandenda þeirra.
Ég hef unnið með fólki á öllum aldri, allt frá ungum börnum í leikskóla til eldra fólks, og í 16 ár starfaði ég við að styðja og styrkja fatlað fólk og einstaklinga sem hafa glímt við ýmsar áskoranir, svo sem geðrænar.
Ég vinn í anda þjónandi leiðsagnar, Heillaspora og sýnarinnar „Ekkert um okkur án okkar“, með tengsla- og áfallamiðaða nálgun að leiðarljósi. Sú hugmyndafræði mótar bæði ráðgjöfina og námsefnið sem ég bý til.
Ég held fyrirlestra og námskeið um hegðun, þroska og líðan fyrir skóla, foreldra og starfsfólk og hef sett upp námskeið og unnið námsefni, kennsluefni, verkefni og æfingar sem eru sniðin að þörfum hvers hóps. Ég er jafnframt leiðbeinandi í skyndihjálp og sálrænni skyndihjálp og menntaður aðgerðastjórnandi, og hef undanfarið dýpkað þekkingu mína á núvitund (mindfulness) og streitustjórnun.
Hafa samband
Ráðgjöf og fræðsla 4u